Nis dëshminë shoqëruesi i studentes së dhunuar indiane

Shoqëruesi i studentes indiane, e cila ka vdekur si pasojë e dhunimit brutal në një autobus në Nju Delhi, ka nisur të dëshmojë në gjyqin e pesë personave të akuzuar për vrasje.

Studentja 25 vjeçe ka vdekur më 29 dhjetor, dy javë pas dhunimit.

Shoqëruesi i saj, 28 vjeç, emri i të cilit nuk është bërë publik për arsye ligjore, është rrahur keq dhe vazhdon të ketë probleme në të ecur.

Pesë personat e akuzuar nuk e kanë pranuar fajësinë, por nëse shpallen fajtorë, mund të përballen me dënim me vdekje.

I akuzuari i gjashtë po gjykohet në një gjykatë për të mitur.

Rasti ka shkaktuar zemërim në mbarë Indinë dhe demonstrata që kanë bërë thirrje për mbrojtje më të madhe ligjore për gratë.

Artikulli paraprakBrezovica bëhet "e pakalueshme" për skitarët
Artikulli vijuesOKB Iranit: Ndalo arrestimin e gazetarëve!