Esselamu alejkum. A është e mundur të shërohemi vetë nga sihri apo sulmi i xhinëve, në qoftë se po a mund të më tregoni si? Allahu ju shpërbleftë.
Alejkum selam,
Po, është e mundur dhe do të ishte më mirë në qoftë se vetë njeriu të shërohet me ndihmën dhe lejen e Allahut. Janë dy mënyra në mënyrë që personi i sëmurë ta shëroj veten. E para, personi i cili vuan nga sihri ta shëroj veten me kusht që ai ti njoh mënyrat e shërimit dhe të tjerat, që personin gjatë mjekimit ta merr përsipër personi i cili e njeh shërimin (me rukje), do te thotë ta këshilloj se çfarë dhe si të veproj.
Në mënyrë që personi të mjekohet vetë, mbi të gjitha duhet të ketë në zemrën e tij themelet e besimit dhe kjo është njësimi i Krijuesit (Teuhidi), besimi në engjëjt, librat, të dërguarit, ditën e Fundit, caktimin dhe gjërat e tjera të botës së padukshme. Atëherë duhet ta kryejë namazin me rregull, të agjëroj dhe ti largohet mëkateve.
Para fillimit të shërimit, personi duhet të pendohet sinqerisht për mëkatet e tija dhe sinqerisht ta lut All-llahun subhanehu ve teala, në namaz nate për lehtësim dhe ti japë shërim. Një person i tillë duhet t’ia bëjë vetës kujtimin e përditshëm të Allahut përmes dhikrit, mësimit / të dëgjuarit / lexuarit Kur’anin, namazin dhe vepra të tjera të dashura tek Allahut.
Personi i cili mjekohet vetë dhe i njeh themelet e mjekimit mund ta bëje atë në mënyrën e mëposhtme:
– Namazi i sabahut. Pas namazit të sabahut thënia e dhikrit të mëngjesit, pastaj nga 100 herë lloje të ndryshme të dhikrit, siç janë: Subhanallah ve bi hamdihi subhanAllahi adhim, estagfirullah, la havle ve la kuvvete ila bilah, dhe dhikret tjera. Pas kësaj thënia përmendesh të paktën e 5-10 faqe të Kur’anit, ose lexim nëse nuk dini (përmendësh). Pastaj thënia përmendësh të paktën gjysmë ore e sureve-Fatih, Ihlas, Felek, Nas dhe Ajetul kursija.
– Namazi i drekës, pas namazit të drekës të thuhen nga 3 herë suret: Fatih, Ihlas, Felek, Nas dhe Ajetul kursija. Kur ti thuash, të frysh në shuplaka të duarve dhe ta fërkosh trupin, veçanërisht gjoksin dhe kokën. Pastaj i thua së paku 3 faqe të Kuranit.
– Namazi i ikindis, pas ikindisë e thua dhikrin e mbrëmjes dhe prapë i thua nga 3 herë suret që i ke thënë pas drekës dhe 3 faqe të Kuranit.
– Namazi i akshamit, pas akshamit leximi i 5-10 faqe të Kuranit, dhe pastaj përsëri të paktën gjysmë ore lexim i sureve – Fatiha, Ihlas, Felek, Nas dhe Ajetul kursin.
– Namazi i jacisë, pas namazit të jacis ti lexosh nga 3 herë suret: Fatiha, Ihlas, Felek, Nas dhe Ajetul kursin. Kur ti thuash, të frysh në shuplaka të duarve dhe ta fërkosh trupin, veçanërisht gjoksin dhe kokën.
– Çdo të tretën ditë, pas ikindisë dhe thënies se dhikrit të mbrëmjes, të shtrihesh në shtrat dhe ti mbyllësh sytë dhe ta dëgjosh tëre suren El-Bekare.
– Çdo të tretën natë,ti falësh së paku dy rekate të namazit të natës, me kijame (lexim të gjatë të Kuranit), sa më gjatë në ruku dhe sexhde me lutje ndaj Allahut që ta shkatërrojë magjinë dhe të dhuroj shërim.
– Gjatë procesit, mund të paraqiten simptome e mëposhtme: Frikë, djersitje, dhimbje koke, të dridhura nëpër trup, frymëmarrje e vështirësuar, diarre, vjellje, të dridhura. Nëse reagimet rriten, duhet të pakësohet pak leximi, ndërsa në qoftë se reaksionet zhduken, duhet përsëri ta rritësh leximin.
– Gjithashtu,ajetet e mësipërme, dhe suret, është mirë për ti lexuar ne vaj ulliri dhe ujë. Me vaj ta lyesh trupin 3 herë në ditë, dhe uji mund të pihet gjithashtu 3 herë në ditë dhe me te të pastrohesh të paktën dy herë në javë.
