Janë mbi njëmijë banorë të Llapushnikut të Drenicës të cilët kanë kërkuar nga Kuvendi Komunal i Drenasit që në fshatin e tyre të ndërtohet një xhami, mirëpo kjo kërkesë nuk ka marrë dritën jeshile nga institucionet përgjegjëse.
Komunarët e Drenasit arsyeton se ky vend për të cilin është kërkuar të ndërtohet xhamia është nën pronësinë e Agjencisë Kosovar të Privatizimit. Zyrtarë të Bashkësisë Islame në këtë komunë, në kushte anonimiteti, kanë thënë për “Indeksonline” se kanë marrë premtime nga udhëheqës të qeverisjes lokale.
“Prej fshatarëve është bërë kërkesa për ndërtimin e xhamisë mirëpo problemi është se toka është në pronësi të AKP-së, ashtu siç është edhe Kisha. Mirëpo Komuna është duke zvarritur këtë çështje. Edhe pse janë marrë premtime që do të bëhet zgjidhje për xhami mirëpo s’ka lëvizë asgjë”, ka thënë ky përfaqësues i BIK-ut.
