Ministri turk i Integrimit Evropian dhe negociatori kryesor i Ankarasë me Brukselin, Volkan Bozkir, bëri një vlerësim të propozimit për themelimin e ushtrisë së përbashkët për sigurinë e BE-së.
“Pa ushtri, është e pamundur të jesh superfuqi. Sot, BE-ja shfaq ende veçorinë e të qenit ende një fuqi e butë për shkak se nuk ka arritur dot prej një kohe të gjatë të formojë ushtrinë evropiane prej 60 mijë trupash.
Megjithatë ajo sillet si superfuqi”, tha Volkan Bozkir në një vlerësim rreth propozimit të Presidentit të Komisionit Evropian, Jean-Claude Juncker, për themelimin e ushtrisë evropiane, gjatë një takimi me ambasadorin e Republikës Çeke në Turqi, Pavel Kafka.
“Nëse do të ishte anëtare e Bashkimit Evropian, Turqia do ta garantonte e vetme këtë ushtri me 60 mijë trupa. Kjo fushë është vetëm një nga përmasat, që do të ofronte një kontribut të rëndësishëm në marrëdhëniet Turqi-BE”, theksoi ministri Bozkir.kohaislame
