Egjipt – Publikohet videoja ku shihen vrasjet e ushtrisë ndaj protestuesve

Të shtënat vdekjeprurëse ndaj përrkrahësve të Vëllazërisë Myslimane në Kajro kanë lënë më shumë se 34 njerëz të vdekur dhe 500 të plagosur. Muhamed Ibrahim El-Beltagy, një deputet i Vëllazërisë, e përshkroi incidentin e sotëm si një masakër. Sulmi është kryer nga forcat ushtarake, kur protestuesit po e falnin namazin e sabahut. Sipas raporteve mjekësore, rreth 500 vetë u plagosën gjatë këtij sulmi. Një mjek i tha Al Jazeeras se shumica e të plagosurve kishin plagë në kokë. Vëllazëria tha se të vdekurit dhe të plagosurit janë dërguar në një spital të improvizuar në Nasr, një lagje në kryeqytetin egjiptian.