Ferat Shala jep dorëheqje nga detyra e menaxherit të përgjithshëm së ndërmarrjes “Trepça”.
“Njoftoj gjithë opinionin publik, se jap dorëheqje nga detyra e menaxherit të përgjithshëm së ndërmarrjes “Trepça”.
Ndërkaq, do ta respektoj afatin ligjor prej 30 ditësh të qëndrimit në detyrë, në mënyrë që AKP të ketë kohë ta zgjedhë menaxherin e ri: thuhet në deklaratën e tij për media, njofton RTK.
Arsyet e dorëheqjes sime, janë angazhimet që më presin në punët akademike. Mendoj se gjatë qëndrimit tim në krye të “Trepçës”, në këta tre vjet e gjysmë, jam përpjekur me gjitha fuqitë e mia, që të bëjë më të mirën për këtë ndërmarrje.
Me këtë rast, dua t’i falënderoj përzemërsisht, në radhë të parë minatorët e “Trepçës”, teknikët, inxhinierët, punonjësit e administratës dhe gjithë punëtorët tjerë, për kontributin e tyre në rimëkëmbjen e kësaj ndërmarrjeje”, thuhet në deklaratën e Shalës.
Ai ka theksuar se me përpjekjet e përbashkëta, u sfiduan vështirësitë e shumta dhe u arrit që për këtë periudhë relativisht të shkurtër, ndërmarrja “Trepça” të vendoset në baza të qëndrueshme zhvillimi.
“Realizuam investime të konsiderueshme në projekte të rëndësishme zhvillimore. Pranuam minatorë të rinj, duke freskuar brezin e vjetër të minatorëve. Gati dyfishuam prodhimin dhe në këtë përpjesëtim, u rritën edhe pagat. U përmirësuan kushtet e punës për gjithë punonjësit e “Trepçës””, theksoi ai.
Ai ka përmendur se me punë të përbashkët, u arrit që “Trepça”, nga viti 2010 e këndej, të punoj pa humbje, pra, me bilanc afarist pozitiv.
“Në fund, unë jam thellë i bindur se ndërmarrja Trepça, ka potencial të madh zhvillimi dhe të ardhme të fuqishme ekonomike. Prandaj, unë i uroj punonjësit e Trepçës, për suksese të reja në ecjen e pandalshme drejt ristrukturimit të mirëfilltë të saj”, thuhet në deklaratën e ferat Shalës./Indeksonline/kohaislame
You Might also Like
LDK-ja në Prizren mbështet kërkesën e heqjes së shpenzimeve të varrimit
Lidhja Demokratike e Kosovës, dega në Prizren, mbështet kërkesën për mbulimin e shpenzimeve të ceremonisë…
By
2 Min Read
Hoxhaj: Vendimi i Britanisë sjell paqartësi në politikat e zgjerimit të BE-së
Ministri i Jashtëm i Kosovës, Enver Hoxhaj, ka theksuar se "vota britanike për dalje nga…
By
2 Min Read
“Qeveria s’interesohet për shqiptarët e Sirisë”
« Nga bombardimet e forcave qeveritare në Damask merret vesh se kanë rënë viktimat e…
By
2 Min Read
Isufi demanton Qelën rreth mundësisë së mospërfshirjes së liqenit të Shkodrës në 6600 hektarë
Ndaj përgjigjes së Tomor Qelës, në lidhje me 6600 hektarët që, sipas Florim Isufit, Mali…
By
3 Min Read
Diplomacia "off-line" e Kosovës
Ministria e Punëve të Jashtme (MPJ) vazhdon të “promovojë” paqartësi në raport me procesin e…
By
2 Min Read
Lirohet me kusht Ramush Haradinaj
Ish-kryeministri i vendit, Ramush Haradinaj është liruar nga ndalimi policor në Francë. Pas shqyrtimit të…
By
1 Min Read
