Gjuriq: Serbët ta marrin njërën nga tri pozitat udhëheqëse në Kosovë

Drejtori i Zyrës për Kosovë, në Qeverinë e Serbisë, Marko Gjuriq, ka thënë se serbët e Kosovës duhet të kenë një nga tri pozitat kryesore udhëheqëse të Kosovës, siç janë, Presidenti, kryetari i Kuvendit ose Kryeministri.

Gjuriq në një debat televiziv në Serbi, ka thënë se tash pas përfundimit të zgjedhjeve në Kosovë, përfaqësuesit e Listës Serbe duhet të marrin njërën nga tri pozitat më të larta udhëheqëse të Kosovës.

Kjo sipas tij, sigurisht se nuk do të jetë e lehtë, por nëse përfaqësuesit ndërkombëtarë e kanë mbështetur një gjë të tillë në Maqedoni, pse kjo të mos ndodhë edhe në Kosovë.

Ai këtu ka aluduar në atë se kryeparlamentari në Maqedoni është zgjedhur Talat Xhaferi i BDI-së, e cila është në koalicion me LSDM-në e Zoran Zaevit.

Artikulli paraprakParashikimi i motit për ditët e ardhshme
Artikulli vijuesAutostradat miliardëshe të Kosovës