Greqia dëbon rreth 600 shqiptarë

Rreth 600 shqiptarë janë dëbuar nga Greqia gjatë muajit Dhjetor 2017 në kuadër të programeve vullnetare të riatdhesimit.

Bëhet fjalë për shtetasit e huaj që qëndrojnë pa dokumente legale në shtetin grek, të cilët deportohen drejt vendeve të tyre.

Për muajin Dhjetor, nga Greqia janë dëbuar 1412 shtetas të kombësive të ndryshme. Emigrantët e paligjshëm shqiptarë renditen të parët, ekzaktësisht 591 persona. Të dytët renditen pakistanezët 273 persona dhe të tretët algjerianët 107 të tillë. Më pas lista vijon me shtetasit nga Iraku, Gjeorgjia, Irani, Bullgaria dhe Turqia.

Sipas të dhënave zyrtare të autoriteteve greke, përgjatë gjithë vitit 2017 nga Greqia janë dëbuar 19.096 emigrantë të paligjshëm. /tvklan.al

Artikulli paraprakJa pse minierat e Trepçës mbetën të pa funksionalizuara tash e 18 vite
Artikulli vijuesTeknologjia e re që e bën palosjen e rrobave (Video)