Presidenti turk, Recep Tayyip Erdoğan, ka pritur në një iftar të afërmit e dëshmorëve dhe veteranët. Ai për dëshmorët e rënë dhe qytetarët që humbën jetën në sulmin me bombë të ndërmarrë ditën e sotme në rajonin Vezneciler të Stambollit ka shprehur ngushëllimet dhe ka uruar shërim të shpejtë për të plagosurit, raporton Anadolu Agency (AA).
Erdoğan shpreh se “Përpiqen më kot ata që mendojnë se do të drejtojnë sipas dëshirës së tyre Turqinë me anë të organizatave terroriste, me akte terroriste, apo të edukojnë Turqinë me terroristë. Martirizimi për ne është grada më e lartë.”
“Këto terroristë pa mend që kanë përgjakur dhe kanë shpërndarë dhimbje për popullin në ditën e parë të Ramazanit jo vetëm që nuk mund të jenë anëtarë të këtij popullit të dashur, dhe jo vetëm që nuk mund të jenë muslimanë, por gjithashtu ato nuk mund të kenë as edhe një lidhje me njerëzimin. Këto terroristë po të ishin pjesëtarë të popullit tonë nuk kryenin sulme ndaj vëllezërve tanë, po të ishin muslimanë nuk derdhnin gjak në muajin e Ramazanit, po të ishin njerëz nuk shpërthenin bomba në këtë mënyrë në mes të rrugës”, u shpreh Erdoğan.
Ndër të tjera duke theksuar se Kur’an-i këto persona i përshkruan “më e ulët se kafshët” Erdoğan ka theksuar: “Përpiqen më kot ata që mendojnë se do të drejtojnë sipas dëshirës së tyre Turqinë me anë të organizatave terroriste, me akte terroriste, apo të edukojnë Turqinë me terroristë. Martirizimi për ne është grada më e lartë. Ja këtu sot ndodhemi së bashku me të afërmit e dëshmorëve tanë dhe me veteranët tanë, të cilët çdonjëri prej tyre janë si një vulë dhe një kyç për ekzistencën, unitetin, të ardhmen tonë si komb dhe shtet. Ne do ti përjetojmë përgjithmonë kujtimet e dëshmorëve tanë. Por këto terroristë që kryejnë akte jo njerëzore do të kujtohen gjithmonë vetë dhe vetëm me urrejtje, mallkime, dhe neveri. Allahu i ndihmoftë të gjithë ushtarët, policët, mbrojtësit dhe të gjithë anëtarët tanë të sigurisë që në këto ditë të bekuara mbrojnë popullin dhe atdheun tonë.”
Erdoğan për dëshmorët e rënë dhe veteranët u shpreh më tej: “Uroj që muaji i Ramazanit të sjellë mëshirë dhe bereqet për fqinjët tanë sirianë që masakrohen prej 6 vitesh në sy të të gjithë botës, për egjiptianët e përlotur, për irakianët, për qytetarët e Jemenit, për palestinezët dhe vëllezërit tanë afrikanë. Edhe njëherë shpreh mirënjohjen dhe mëshira e Allahut qoftë mbi dëshmorët e rënë që kanë sakrifikuar shpirtrat e tyre për këtë popull, për këtë flamur, për këtë atdhe dhe shtet. Gjithashtu shpreh falënderimet e mia të përzemërta për të gjithë veteranët e lënduar dhe të plagosur gjatë luftës së shenjtë për të mbrojtur me jetën e tyre atdheun, të ardhmen dhe unitetin tonë.”
