Imami i Drenasit, Osman Musliu, ka publikuar disa fotografi interesante në rrjetin social “Facebook”.
Fjala është për xhaminë më të madhe në Kosovë, e cila pritet të ndërtohet në qendër të Prishtinës, konkretisht përballë objektit qendror të PTK-së.
Më herët në një takim në BIK, është konfirmuar se është marrë premtimi për një donacion, që do të ndihmojë në ndërtimin e xhamisë më të madhe dhe kryesore në Kosovë. Edhe pse qe 5 vjet është vënë gurthemeli, asnjë lëvizje nuk ka për ndërtimin e xhamisë.
Besimtarët në Kosovë, ankohen për mungesë të vendfaljeve dhe shpresojnë në ndërtimin sa më të shpejtë të kësaj xhamie, që do të ua lehtësonte qështjen e adhurimeve./KohaIslame
