Japonezi brenda qendrës tregtare nuk ka qëndruar më shumë se 20 minuta, por aq kohë i është nevojitur hajnit serb për t’ia vjedhur
Çiklisti japonez i cili udhëton nëpër botë me dy rrota, dhe i cili ka lënë prapa vetes 20 000 kilometra të kaluar, ka mbetur pa mjetin e tij të tranpsotit në Beograd! Si shkruan Press, biçikleta e markës Panasonic, me të cilën japonezi udhëton rreth botës, është vjedhur te një qendër tregtare në Beogradin e Ri në mes të ditës.
Japonezi iu ankua gazetarëve se si e kishte parkuar dhe e kishte kyçur me dry biçikletën e tij, kurse brenda qendrës tregtare nuk ka qëndruar më shumë se 20 minuta, por aq kohë i është nevojitur hajnit serb për t’ia vjedhur.
Ai deklaroi se vjedhjen e ka paraqitur menjëherë në polici dhe se në kryeqytetin serb do të qëndrojë edhe disa ditë me shpresën se policia serbe do ta gjejë hajnin dhe do t’ia kthejë biçikletën.
