Kim Mehmeti: Pse BE ndjeshmëri ndaj "dhunës" mbi Vuçiçin dhe jo ndaj gjenocidit mbi myslimanët

“Lexova diku se përfaqësuesit e lartë të BE-së, e kanë dënuar aktin e dhunës mbi Kryeministrin serb në Srebrenicë, por deri më tani nuk më ka ndodhur të lexoj ndonjë shpjegim pse kjo Evropë, kaqë e ndieshme ndaj dhunës, nuk e parandaloi këtë gjenocid të paralajmëruar, mbi një popull që besonte se ishte i mbrojtur nga ushtarët e Kombeve të Bashkuara!? Në ndërkohë, ra në sy se asnjë burrështetas i Shqipërisë, nuk morri pjesë në shënimim e 20 vjetorit të masakrës së Srebrenicës! Ku ta dish, ndoshta ata drejtë e kanë vlerësuar se ky gjenocid, nuk pasqyron vetëm vrasësit serb, por edhe pashpirtësinë e disa qarqeve ‘humane’ Perëndimore, që nuk e parandaluan këtë masakër! Pra, mbase zyrtarët e Tiranës e dinë se të fotografohesh duke u ‘jargavitur’ pranë varrezave të myslimanëve të masakruar në Srebrenicë, edhe nuk është diçka që t’i shton gjithaq pikët ‘properëndimore’, apo që të nxjerrë në ballinë të mediave botërore!” (Kim Mehmeti)