Konfirmohet plaçka me njehsorë

Njehsorit elektrik “AEL-TF.04-01”, të prodhuesit “Kohler”, iu është marrë licenca me një vendim të Ministrisë së Tregtisë dhe Industrisë (MTI), për shkak të matjeve jo të sakta të shpenzimit të energjisë elektrike në Kosovë.
Në bazë të testimeve të bëra në laboratorë ndërkombëtarë ka rezultuar se njehsorët e tillë, të cilët KEDS-i e ka montuar në rreth 25 mijë konsumatorë, nuk i plotësojnë kriteret ligjore të parapara në vendin tonë.
Zyrtarë të KEDS-it kanë pranuar për gazetën “Zëri” se ditë më parë kanë marrë nga MTI-ja vendimin për tërheqje të licencës.
Mirëpo, nuk janë pajtuar me të, ku dhe kanë bërë ankesë në Ministrinë në fjalë. /Zëri/Telegrafi/
Artikulli paraprakA është kërcitja e kockave e dëmshme?
Artikulli vijuesPadia për Serbinë, “retorikë dëshpëruese” e Thaçit