Nagasaki nderon kujtimin e viktimave të bombardimit atomik

Detyra e të gjitha vendeve – “ndërtimi i një bote pa armë bërthamore”, – deklaroi Kryeministri Shinzo Abe.
Ai i bëri thirrje botës mbarë të kujtojë mësimet e nxjerra nga bombardimi atomik i Nagasakit, 68-vjetori i të cilit përkujtohet sot.
Nagasaki ishte qyteti i dytë, pas Hiroshimës në Japoni, i cili u bombardua me mbushje bërthamore nga Shtetet e Bashkuara në gusht të vitit 1945. Më shumë se 70 mijë njerëz humbën jetën në çast, 80.000 të tjerë vdiqën më vonë si pasojë e sëmundjeve të shkaktuara nga rrezatimi, ndërsa qyteti pothuajse u fshi nga faqja e dheut.