Shtëpia Fokus Sulme me bomba në Irak, 17 të vrarë dhe dhjetra të plagosur

Sulme me bomba në Irak, 17 të vrarë dhe dhjetra të plagosur

Shtatëmbëdhjetë persona të vrarë dhe dhjetëra të tjerë të plagosur është bilanci i sulmeve me bomba në një treg publik në provincën veriore të Irakut, Saladin, dhe katër sulmeve të ndara në Bagdad, raporton Anadolu Agency (AA) duke iu referuar burimeve policore.

Koloneli i policisë në Saladin, Muhannad al-Samarrai, deklaroi për AA se nga sulmi në tregun në qarkun Dujail kanë humbur jetën 10 persona dhe 21 të tjerë janë plagosur.

Dujail është një qark me shumicën e popullsisë shia, ku ish-presidenti Saddam Hussein i kishte mbijetuar një atentati në vitin 1980.

Ndërkohë në Bagdad, zyrtari i policisë, Nazim al-Zamili, tha se shtatë persona janë vrarë gjatë katër sulmeve me bomba në pjesë të ndryshme të qytetit. Ai tha për AA se gjatë sulmeve janë plagosur 22 persona.

Al-Zamili shtoi më tej se autoritetet kanë përforcuar masat e sigurisë si pasoje e informacioneve se organizata terroriste DAESH planifikon të kryejë sulme vetëvrasëse në atë zonë.
Asnjë grup nuk ka marrë përgjegjësinë për sulmin në treg dhe sulmet në Bagdad.

 

Artikulli paraprakJa pse nuk duhet të qëndroni përballë ajrit të kondicionuar!
Artikulli vijuesJa si eliminohet nikotina nga organizmi