Virusi në Android që ka prekur deri në 2 milionë përdorues!

Një raport i ri tregon se është zbuluar një virus i cili po qarkullon në dyqanin online të Android, Google Play Store prej prillit të këtij viti.

Ky virus është zbuluar jo vetëm në aplikacionet e shkallës së tretë mirëpo edhe në aplikacionet e çertifikuara të dyqanit të Android.

Hulumtuesit nga Check Point të cilët e kanë quajtur virusin DressCode kanë bërë të ditur se virusi gjindet në 40 aplikacione zyrtare në Google Play dhe në 400 aplikacione tjera.
Sipas hulumtuesve, 500,000 deri në 2 milionë përdorues mund të jenë në rrezik nga virusi pas shkarkimit të aplikacioneve të Google Play.

Aplikacionet e infektuara me DressCode janë përdorur për të grumbulluar klikime të rrejshme në reklama dhe trafik të pavërtetë në ueb faqe të ndryshme.

Artikulli paraprakParalajmërojnë shkencëtarët: Tatuazhet e shkaktojnë këtë sëmundje vdekjeprurëse
Artikulli vijuesFotografi grek fitoi ‘France Awards’ me këto pamje nga Lesbos