29 të vdekur pas fundosjes së një anijeje me migrantë në Mesdhe

Të paktën 29 persona vdiqën dhe 150 të tjerë mundën të shpëtoheshin sot pas fundosjes së një anije me migrantë në Mesdhe, pranë brigjeve egjiptiane, pikënisje e një numri të madh personash që ndërmarrin një udhëtim plot rreziqe drejt Evropës, raporton “CNN”.
“Operacionet e shpëtimit vijojnë për gjetjen e mundshme të pasagjerëve të tjerë në këtë anije të tejmbushur me migrantë që u fundos pranë Rosette, në brigjet veriore të Egjiptit”,- bënë të ditur për median zyrtarë të policisë.
“Në mesin e viktimave figurojnë migrantë egjiptianë, sudanezë dhe kombësi të tjera afrikane që nuk kemi mundur ende të identifikojnë”,- saktësoi Adel Khalifa, një zyrtar i Ministrisë së Shëndetësisë.