54 aksidente brenda ditës, policia apel ngasësve

Brenda njëzetekatër orëve të fundit në territorin e Kosovës janë regjistruar të kenë ndodhur gjithsej 54 aksidente trafiku, prej të cilave 14 kanë përfunduar me persona të lënduar ndërsa të tjerat me dëme materiale. Policia e Kosovës ka njoftuar sot se të gjitha rrugët rajonale dhe ato urbane janë të kalueshme, por në disa prej tyre ka probleme si pasojë e ngricave dhe borës në to, raporton Tribuna. Policia u ka bërë apel të gjithë pjesëmarrësve në trafik që të jene të kujdesshëm pasi në disa akse rrugore janë paraqitur probleme si pasojë e borës./Tribuna/