78 ditë ecje në këmbë për mirënjohje ndaj NATO-s

Një shtetas kosovar u nis nga Gjermania për në Kosovë për të falënderuar NATO-n, 13 vjet pas intervenimit ushtarak në Kosovë. Ai do të ecë 78 ditë sa kanë zgjatur edhe sulmet e NATO-s mbi caqet serbe.

Ecja në këmbë e Maxhun Smajlit ka nisur më 24 mars ndërsa do të përfundojë më 10 qershor në Kosovë, në ditën kur shënon edhe hyrjen e këmbësorisë së forcave ushtarake ndërkombëtare të NATO-s në Kosovë, si dhe kthimin e popullatës shqiptare të cilët u dëbuan në vatrat e tyre në Kosovë.

“Ideja e një marshi të tillë, daton që nga ardhja dhe vendosja në Gjermani, me 26 korrik 1999. Në fillim pata menduar që ky marsh të realizohej në 10-të vjetorin e çlirimit të Kosovës. Pra, me 24 mars të vitin 2009. Mirëpo, për shkak të mangësive të shumta që kisha në dokumentacion, këtë datë e kam shtyrë për 24 mars 2012, të cilit vit i është bashkangjitur edhe një ngjarje tjetër shumë e rëndësishme për popullin shqiptar; -100 vjetori i Pavarësisë së Shqipërisë”, tha publicisti Maxhun Smajli, transmeton Albinfo.

Por ky marsh, shton Maxhuni, përkon dhe me simbolika tjera, si me 14 vjetorin e nisjes së luftës çlirimtare në Dukagjin, me 13 vjetorin e bombardimeve mbi caqet serbe dhe lirinë e Kosovës.

Pastaj, nga këtu Smajli do të vazhdon rrugën për tek varrezat e dëshmorëve në Koshare, ku edhe do ta përfundojë marshin.

Këtë marshim mërgimtari Smajli do ta përfundojë me 12 qershor 2012, në ditën e çlirimit të Kosovës. “Aty do ta vendosi një flamur kombëtar që e kam dhuratë nga një mërgimtar, Besim Prekazi nga Drenica”, ka thënë Smajli.

Distanca prej rreth 2000 kilometrash, simbolizon për Maxhun Smajli edhe distancën e lëvizjeve që ka bërë për 13 muaj të luftës, si reporter lufte, nëpër 147 fshatra të më se dhjetë komunave të Kosovës. /Telegrafi/kohaislame

Artikulli paraprakThoma Mangelin: Planet amerikane për të rrëzuar Enver Hoxhën
Artikulli vijuesPilotja që bombardoi Serbinë 200 orë rresht