Nëse dini të flisni rrjedhshëm të paktën një gjuhë të huaj, atëherë kjo gjë largon rrezikun e sklerozës, konstaton një studim britanik.
Shkencëtarët e Universitetit të Yorkut (Angli) kanë dalë në përfundimin se zotërimi i një gjuhe të dytë është mirë për shëndetin mendor sepse rrit fleksibilitetin mendor.
Udhëheqësi i studimit, Ellen Bialystok theksoi se ”studime të mëparshme kanë dalë në përfundimin se mësimi i një gjuhe të huaj në moshë të vogël i ndihmon fëmijët në aftësinë e tyre komunikuese, ndërsa studimi ynë tregon se gjuha e huaj ndihmon edhe në shëndetin mendor në të ardhmen afatgjatë”.
”Kërkimet tregojnë se manovrimi në një apo më shumë gjuhë të huaja aktivizon zona të caktuara të trurit dhe stërvitja e tyre është me leverdi për të ardhmen”, shtoi Bialystok.
Studimi është publikuar në revistën shkencore ”Trends in Cognitive Sciences”./d.b/kohaislame
