Një 50-vjeçar nga qyteti i Vlorës është arrestuar nga policia lokale mbrëmjen e së martës, pasi akuzohej se kishte ushtruar dhunë ndaj ish-bashkëshortes së tij.
Burime zyrtare të policisë thanë se, shtetasi Alfred Aliaj, banues në lagjen “Isa Boletini”, përndiqte ish-gruan e tij 46-vjeçare, me inicialet R.A. dhe ka ushtruar dhunë ndaj saj.
50-vjeçari akuzohet për kryerjen e veprave penale “dhunë në familje” dhe “përndjekje”, bëri të ditur policia, sipas së cilës, ndjekja e mëtejshme penale do të vijohet nga prokuroria./Top-Channel
