Hoxhallarët e Kosovës vazhdojnë të pajtojnë familjet që janë në gjak. Një ngjarje e tillë ka ndodhur edhe sot pas namazit të drekës në xhaminë “Hatunie”, në Prishtinë, ku në prani të imamit Jahir Beqiri, familjet Murturi dhe Haliti shtrinë dorën e pajtimit.
Këto dy familje ishin në gjak që nga prilli i vitit të kaluar, kur 16-vjeçari, Burim Murturi, derisa po udhëtonte me biçikletën e tij në parkun e Gërmisë, u goditë nga vetura që po drejtohej nga personi i familjes Haliti.
Të pranishmit vlerësuan lart këtë gjest burrëror dhe u luten që raste të tilla të mos ndodhin më. /mesazhi
