“Dri-Guard” këmisha që avullon djersën

Brendi britanik i modës Marks & Spencer ka prodhuar një këmishë të veçantë, për t’iu ardhur në ndihmë meshkujve në përballimin e sikletit që vjen nga djersitja. 

Këmisha e quajtur “Dri-Guard” vepron me ndihmën e teknologjisë së veçantë të valëve inteligjente, të cilat mundësojnë thithjen dhe avullimin e djersës, duke mos lënë asnjë njollë. 

Siç shkruan “Daily Mail”, fibrat e jashtme të këmishës refuzojnë lagështinë dhe parandalojnë formimin e rrathëve të errët. 

Çmimi i këmishës me mëngë të gjata është 36 euro, ndërsa me të shkurtra vetëm 33 euro.