“Darka e Punës” shpëton koalicionin qeverisës

Derisa një ditë më herët në PDK kanë thënë se nuk janë në dijeni për një letër që kreu i AKR-së, Behxhet Pacolli i ka dërguar, kryeministrit Thaçi, tash dukët se problemet janë zgjidhur mbrëmë në një darkë.
Hashim Thaçi dhe Behgjet Pacolli janë pajtuar për të vazhduar partneritetin në qeverisje. Kryeministri i vendit dhe kreu i AKR-së, të enjten mbrëma janë takuar në “darkë pune” për të diskutuar situatën e krijuar pas kalimit të ministrit të FSK-së, Agim Çekut nga PSD-ja në PDK. PSD-ja ishte pjesë e Koalicionit për Kosovën e Re, ku bënë pjesë edhe AKR-ja e Pacollit.
Zv.kryeministri Hajredin Kuçi, i pranishëm në takim, ka thënë nëpërmjet telefonit për Koha Ditore, se palët janë pajtuar për të vazhduar bashkëpunimin.
“Jemi takuar në një darkë pune, shumë të relaksuar, ku kemi diskutuar raportet në koalicionin. Jemi pajtuar të vazhdojmë angazhimet në përballimin e sfidave dhe agjendës së përbashkët, në veçanti atë ekonomike”, ka thënë Kuçi për gazetën.
Në takim përveç Kuçit e Thaçit, nga radhët e PDK-së ishte edhe Kadri Veseli. Kurse, Behgjet Pacolli shoqërohej nga Mimoza Kusari-Lila dhe Ibrahim Makolli. /Indeksonline/