Adnan Azizi: BDI-ja vendin po e çon ka Rusia!

“Nëse i referohemi zhvendosjes së agjendës së shtetit prej Perëndimit drejt Lindjes, pra nga BE-NATO në drejtim të Rusisë, pa dyshim meritë të madhe në këtë drejtim ka BDI-ja, mu ashtu sikurse mësuesi i tyre “shoku” Tito: Jep sinjal në të djathtë, kurse kthe në majtë. BDI-ja në disa cikle zgjedhore kishte deklaruar se kanë flijuar shume çështje kombëtare, si kompromis për ta çuar Maqedoninë në BE, gjë të cilën ndoshta e kishin besuar edhe miqtë tanë ndërkombëtarë. Por, ndërkohë për befasinë e të gjithëve, Maqedonia në vend që të perfundojë në NATO-BE ajo përfundoj në prehërin e Rusisë. Kjo duket se i kishte dëshpëruar edhe ndërkombetarët. Ish euro-ambasadori në Maqedoni, Ervan Fuere, në Kongresin Tematik të BDI ua perplasi në fytyrë: “Nuk e di pse BDI-ja vazhdon të rrijë me VMRO-në në Qeveri”! Tani kur kriza politike vazhdimisht po thellohet, SHBA-të dhe BE-ja paralajmërojnë sanksione kundër kësaj Qeverie e kundër këtij shteti, BDI-ja përsëri vazhdon të qëndrojë në Qeveri dhe ta mbrojë pozicionin pro-rus të Qeverisë, kështu që besoj se nuk do shumë mend për të konstatuar se cilën anë e ka zgjedhur BDI-ja. Prandaj e MERITON të quhet VMRO + BDI = RUSI!“, – shkruan Adnan Azizi në FB, anëtarë i kryesisë qendrore në Lëvizjen BESA.