Një grup i fuqishëm i militantëve islamikë është tërhequr nga bisedimet që po mbahen me politikanët opozitarë në Siri, të cilat kanë për qëllim krijimin e një fronti të përbashkët përpara bisedimeve për paqe me presidentin Bashar al-Assad.
Konferenca e mbajtur në kryeqytetin e Arabisë Saudite, Riyadh, shënon takimin e parë në mes shumicës së grupeve militante të mbledhura së bashku që nga fillimi i konfliktit në Siri.
Fronti Al-Nusra, kurdët sirianë dhe dega e Al-Kaidës në Siri, nuk kanë qenë të ftuar në këtë takim.
Përmes një deklarate të dhënë në fund të takimit është bërë thirrje sot për një shtet gjithpërfshirës e demokratik dhe se presidenti Assad sipas deklaratës, duhet ta lë pushtetin në fillim të periudhës kalimtare me qëllim të ruajtjes së institucioneve shtetërore.
Por, grupi Ahrar al-Sham, tha se është tërhequr nga këto bisedime në Riyadh, duke përmendur si arsye “rolin kryesor” që e kanë marrë opozitarët në Siri në propozimet për udhëheqës të mundshëm.
Ky grup njashtu ka bërë me dije se “fraksionet revolucionare” nuk ishin të përfaqësuara në mënyrë adekuate gjatë konferencës.
