Ajo që dyshohej, ka ndodhur në të vërtetë: Ish-kreu i FIFA-s tregon si mashtrohet në short

Ish-presidenti i FIFA-s, Sepp Blatter, ka treguar për mashtrimet që bëhen gjatë hedhjes së shortit për ndonjë ngjarje të madhe.
“Unë e kam parë me sy të mi se si është mashtruar. Bëhej fjalë për një garë evropiane”, ka thënë Blatter për gazetën argjentinase La Nacion, transmeton Koha Ditore.
“Vetëm njëri dinte të bënte këtë. Ishte një italian. Duhet të shënosh topat që do të marrësh. Apo mund t’i ngrohësh ata apo edhe t’i ftohësh për t’u dalluar kur i prek me dorë”.
“Unë isha dëshmitar i kësaj ngjarjeje”, ka shtuar zvicerani duke thënë se vet ai kurrë nuk ka qenë pjesë e ndonjë mashtrimi të tillë.