Akademikja maqedonase: Mësimi i shqipes nga nxënësit maqedonas është krim

Akademikja maqedonase Katica Gjullakova në një deklaratë për gazetën maqedonase “Veçer” ka theksuar se asnjëherë gjuha shqipe nuk mund të mësohet nga maqedonasit nëpër çerdhe, shkolla fillore dhe ato të mesme të Maqedonisë.
 
Gjullakova këto komente i bëri pas paralajmërimit të liderit të opozitës maqedonase Zoran Zaev se nuk ka asgjë kundër që edhe fëmijët maqedonas të mësojnë gjuhën shqipe nëpër çerdhe edhe shkolla.
 
“Askush nuk ka të drejt maqedonasit t`i obligojë të mësojnë gjuhën shqipe. Ky është krim kulturor që të detyrohen maqedonasit që të obligohen të përdorin një gjuhë tjetër. Sot shumë lehtë premtojmë masa ekstreme radikale të cilat e kërcënojnë në tërësi pasqyrën identitare të shtetit maqedonas”, ka deklaruar akademikja Gjullakova, transmeton zhurnal.mk.
Artikulli paraprakKofsha pule me xhenxhefil dhe limon
Artikulli vijuesPolicia e Kosovës: Nuk jemi të rrezikuar nga terrorizmi