BE rrit dozën e sanksioneve ndaj Rusisë

0
184

Ministrat e Jashtëm të Bashkimit Evropian do të diskutojnë sot në Bruksel rreth vendosjes së sanksioneve të reja ndaj Rusisë për shkak të rolit të saj në intensifikimin e konflikteve në lindje të Ukrainës.

 

Takimi mbahet pas sulmeve të fundit të separatistëve pro-rusë në portin Mariupul gjatë kësaj jave.

BE-ja dhe SHBA-të tashmë kanë urdhëruar ngrirje të pasurisë dhe ndalimin e udhëtimit për disa rusë dhe kompanitë si dhe për liderët e separatistëve pro-rusë.

Mediat britanike njoftojnë se ministrat e BE-së do të bisedojnë për vendosjen e sanksioneve të reja ndaj Rusisë si dhe për të zgjeruar ato të caktuara më parë.