Policia e Kosovës njoftoi se është arrestuar një femër, pasi e njëjta dyshohet se ka qëlluar me armë zjarri në kokë bashkëshortin e saj, duke i shkaktuar lëndime vdekjeprurëse.
Ngjarja ka ndodhur në rrugën ‘Sali Çekaj’ në Deçan, të hënën në ora 17:50.
Në vendin e ngjarjes kanë dalë të gjitha njësitet përkatëse ku kanë gjetur dhe konfiskuar një pistoletë me një karikator dhe tre fishek të cal. 9 mm. si dhe një gëzhojë.
Me urdhër të Prokurorit trupi i pajetë i viktimës dërgohet në Institutin e Mjekësisë Ligjore në Prishtinë, ndërsa e dyshuara dërgohet në mbajtje. /Telegrafi/
