Forcat izraelite plagosën 49 palestinezë

0
190

Në dy incidente të ndara, në Bregun Perëndimor dhe Gaza kanë mbetur deri në 49 palestinezë të plagosur pasi forcat izraelite i qëlluan me plumba gome dhe municion të vërtetë.

Të paktën 35 palestinezë u plagosën me armë zjarri nga izraelitët gjatë përleshjeve mes tyre dhe të rinjëve palestinezë në qytetin e vjetër Al-Khalil në jug të Bregut Perëndimor, kanë thënë dëshmitarët të premten.
Përleshjet shpërthyen kur trupat e ushtrisë izraelite bllokuan protestën e mbajtur në kuadër të një fushate ” Rinia palestineze kundër vendbanimeve ” dhe Komiteti për Mbrojtjen e Al-Khalil për të shënuar 20 vjetorin e masakrës së xhamisë Ibrahimi.
” Ushtarët izraelitë qëlluan me breshëri granata tymuese dhe gaz lotsjellës në drejtim të protestuesve, pasi këta të fundit iu afruan hyrjes së qytetit, ” tha për Agjencinë Anadolu Rajeh Abu Agamiyeh, anëtar i Komitetit për Mbrojtjen e Al- Khalil.
Ndërkohë, katërmbëdhjetë palestinezë janë plagosur me municion të vërtetë nga trupat izraelite, përfshirë një fëmijë, në afërsi të kufirit mes Rripit të Gazës dhe Izraelit të premten, ka thënë Ministria e Shëndetësisë në Gaza.
Një numër i aktivistëve palestinez organizuan protesta të premten në Jabalia në veri të Gazës për të denoncuar pushtimin e vazhdueshëm izraelit të tokës palestineze dhe shkeljet e vazhdueshme të trupave izraelite./mszh/kohaislame