Forcat e regjimit sirian vranë 91 vetë, në mesin e tyre 11 fëmijë dhe gjashtë gra, në operacione të enjten, sipas një grupi mbikëqyrës.
Rrjeti Sirian për të Drejtat e Njeriut, me bazë në Londër, ka thënë në një deklaratë se forcat e presidentit Bashar al-Asad vranë 29 persona në Daraa, 19 në Halep, 18 në Idlib, 13 në Homs, gjashtë në periferi të Damaskut, dhe nga tre në qytetet Hama dhe Quneitra.
Rrjeti gjithashtu pohoi se 13 nga të vdekurit ishin torturuar nga forcat e regjimit.
Sipas OKB-së, më shumë se 100,000 njerëz janë vrarë në luftën civile tre vjeçare në Siri, dhe 2,5 milionë banorë janë zhvendosur për në vendet fqinje Turqi, Liban dhe Irak./mszh/kohaislameKy artikull është marrë nga http://kohaislame.com.
