Franca vret 100 musliman të Malit

Të paktën 100 kryengritës musliman, përfshirë 11 ushtarë dhe një pilot francez humbën jetën ditën e shtunë nga bombardimet franceze dhe luftimet e zhvilluara në Mali, raportuan mediat ndërkombëtare.
Kryengritësit shpallën një shtet të pavarur të panjohur ndërkombëtarisht në territorin e kontrolluar nga muslimanët e Malit, dhe ata po përpiqen të shtrijnë sheriatin në vend.
Aktualisht, disa qindra trupa franceze ndodhen në Mali, të përqendruara në kryeqytetin Bamako dhe rrethina, ku ndodhen edhe 6 mijë shtetas francezë.
Një prej shteteve më të varfër në botë dhe i kufizuar në veri nga shkretërira e Saharasë, Mali ka një sipërfaqe gati sa gjysma e Evropës, dhe ka një popullsi prej 14,5 milionë banorësh.