Gani Koci: Jam i gatshëm për Ministrinë e Drejtësisë

Zgjedhja e Hashim Thaçit president ka bërë që të lirohen dy pozita në kabinetin qeveritar, ajo e zëvendëskryeministrit dhe ministrit të Punëve të Jashtme.
Me riformatimin e Qeverisë që do të ndodh ditëve në vijim, janë përmendur emra të ministrave e zëvendësministrave për të plotësuar pozitat që kanë mbetur të zbrazura, raporton Indeksonline.
E njëri ndër emrat e përmendur është ai i zëvendësministrit të Zhvillimit Ekonomik, Gani Koci, për të cilin thuhet se do të kaloj në pozitën e të parit të Ministrisë së Drejtësisë.
Koci ka thënë për Indeksonline se ndonëse nuk kanë diskutuar ende për këtë brenda partisë, nëse ai propozohet për këtë post, atëherë do ta pranonte.
“Nuk e kemi biseduar ende këtë brenda partisë. Mirëpo, nëse partia konsideron dhe vlerëson se mund ta ushtroj këtë post, atëherë pse jo”, ka thënë Koci