TIRANË – Katër prej studenteve, që u plagosen një javë më parë në aksidentin tragjik në Himarë i janë bashkuar sot familjeve të tyre.
Besiana Dani dhe Anisa Çoba kanë lënë sot spitalin pasi gjendja e tyre është stabilizuar.
“Jam shumë mirë dhe e lumtur, që sot po dal nga spitali falenderoj të gjithë ata që kanë ndihmuar për shërimin tim”, u shpreh Dani .
Sipas bluzave të bardha vajzat janë në gjendje më të mirë shëndetësore, por kanë nevojë për përkujdesje psikologjike.
Po sot ka lënë Spitalin Ushtarak edhe Shegushe Hakaj, pasi gjendja e saj ka përmirësuar dukshëm. Në këtë spital vazhdojnë të marrin ndihmën mjekësore 9 vajza të tjera, të cilat mbetën të aksidentuara në tragjedinë e Himarës./kohaislame/
