Imami i akuzuar për terrorizëm, kërkon Sali Berishën dëshmitar

I akuzuari, shtetas i Shqipërisë, Oltion Reçi, i arrestuar nën akuzën për “rekrutim të personave për kryerjen e veprave me qëllime terroriste dhe të financimit të terrorizimit, nxitje dhe thirrje publike e propagandë për kryerjen e veprave me qëllime terroriste, si dhe nxitje të urrejtjes ose grindjeve”, ka kërkuar dëshmitar në gjyq ish-kryeministrin e Shqipërisë Sali Berisha.

Në seancën e sotme në ngarkim të imamëve të arrestuar për rekrutim luftëtarësh për xhihad në Siri, asnjë prej tyre nuk i ka pranuar akuzat për terrorizëm.
Në momentin e leximit të kërkesës për gjykim dhe akuzat ndaj tyre, ata kanë reaguar duke u shprehur se nuk kanë kryer asnjë vepër penale dhe se i mbron Allahu.

Sipas avokatit të tij mbrojtës, ai ka kërkuar që Berisha të thirret në cilësinë e dëshmitarit për të provuar thirrjet që ka bërë kundër regjimit diktatorial të Bashar Al Asadit. Por Gjykata e Krimeve të Rënda e ka refuzuar një kërkesë të tillë, pasi nuk ka lidhje me procesin.

Në të vërtetë, në një deklaratë të bërë në 14 dhjetor 2012, ish-kryeministri pati thënë se “Shqipëria ka vendosur të njohë opozitën siriane si të vetmen përfaqësuese të ligjshme të Sirisë dhe të kombit sirian”. kohaislame
Artikulli paraprakParamilitarë serbë do të bëhen gardianë burgjesh
Artikulli vijuesRusia ndjek nga afër stërvitjen e NATO-s