Indonezi: Përmbytje në Xhakarta

Sasia e madhe e reshjeve dhe përmbytjet në Xhakarta kanë paralizuar jetën e banorëve.
Përmbytjet kanë përfshirë pjesë të kryeqytetit të Indonezisë, Xhakarta, duke bërë që të mbyllen zyra dhe të bllokohen rrugët, disa ditë pas shirave të dendura. Disa zona, përfshinë lagjen qendrore të biznesit, CBD, janë mbuluar nga ujërat, që kanë detyruar bizneset të mbyllin dyert dhe kanë bllokuar trafikun. Autoritetet meteorologjike paralajmërojnë se shiu, që është sezonal, mund të bëhet edhe më i rrëmbyeshëm në ditët e ardhshme. Ndërsa guvernatori i Xhakartës, Joko Widodo ka shpallur gjendjen e jashtëzakonshme. Autoritetet deklaruan të mërkurën se mbi 9 mijë persona ndodhen të strehuar në çadra pasi u detyruan të braktisnin shtëpitë e tyre.