Irani dhe Kina angazhohen për lidhje më të ngushta ekonomike

Pas bisedimeve të zhvilluara në Teheran mes dy presidentëve të Iranit dhe Kinës, është vendosur për lidhje më të ngushta ekonomike dhe politike.Sipas BBC-së, dy liderët kanë nënshkruar 17 marrëveshje për një sërë çështjesh, që nga energjia e deri tek nxitja e tregtisë deri në 600 miliardë dollarë.
Që nga heqja e sanksioneve javën e kaluar dhe në më shumë se një dekadë,
Xi Jinping është lideri i parë kinez që viziton Iranin.
Ndërkohë, presidenti iranian Hassan Rouhani deklaroi se ai dhe homologu i tij kishin nënshkruar një “dokument gjithëpërfshirës 25-vjeçar” për marrëdhëniet strategjike.
Sipas Rouhanit është diskutuar edhe për terrorizmin, situatën në Lindjen e Mesme, si dhe për shkencën, teknologjinë moderne, kulturën, turizmin, sigurinë dhe çështjet e mbrojtjes.
Ndërkohë, gjatë qëndrimit në Teheran, presidenti Xi pritet të takohet edhe me liderin suprem, ajatollahun Ali Khamenei.
BBC shkruan se, “Kina është partneri më i madh tregtar i Iranit. Të dy vendet shpresojnë se marrëdhënie më të forta do të vijojnë në epokën e post-sanksioneve të Iranit”.