KEK-u premton rrymë të mjaftueshme gjatë dimrit

Korporata Elektro-Energjetike e Kosovës, është e gatshme që qyteatarëve t’u ofrojë furnizim me energji elektrike gjatë sezonit të dimrit. Zëdhënësi i KEK-ut Viktor Buzhala tha për Radio Kosovën se po bëhen përgatitje maksimale dhe furnizimi pritet të jetë më i mirë sesa dimrin e kaluar. Qytetarët, ndërkaq nuk janë shumë optimistë lidhur me premtimet e KEK-ut.

Korporata Elektro-Energjetike e Kosovës, premton se këtë vit, në sezonin dimëror nuk do të ketë reduktime të energjisë elektrike. Zëdhënësi Viktor Buzhala tha se KEK-u është maksimalisht i përgatitur për t’i furnizuar qytetarët me energji.
“Dy blloqe vazhdojnë të jenë në remont të planifikuar vjetor ku njësisë A3 po i ndërrohet elektro-filtri dhe po bëhen investime kapitale në të. Përgatitjet janë maksimale për furnizim dhe presim një dimër më të mirë se në dimrin e kaluar dhe është vazhdë e përmirësimeve nga viti në vit që bënë KEK-u me furnizim”, tha Buzhala.

Përkundër kësaj, me të ftohur të kohës, reduktimet e energjisë elektrike janë të pranishme. Mbrëmë lagje të ndryshme të Prishtinës, janë përballur me reduktime. Buzhala thotë se ato janë prishje të trafo-stacioneve lokale, dhe janë rregulluar në një periudhë të shkurtër:
“Kemi pas disa prishje lokale që kane krijuar përshtypjen e reduktimeve, por ato janë lokale, ka pas reduktime edhe në Prishtinë, por ato janë evituar dhe tash furnizimi është normalisht”.

Qytetarët nuk janë fort optimist për premtimet e KEK-ut. Kjo me vet faktin thonë ata, se reduktime ka edhe gjatë kohës së verës.
Derisa zyrtarë të KEK-ut bënë të ditur që së shpejti pritet të kthehet në funksion njësia B1, pas remontit tre mujor, qytetarët thonë se duhet të gjejnë alternativa tjetra për ngrohje gjatë dimrit.kohaislame

Artikulli paraprakGuantanamo: SHBA liron nga akuzat edhe 55 të burgosur
Artikulli vijuesKonkurs ndërkombëtar për Planin ideor të Xhamisë