Siç duket kërcënimet ndaj gazetarëve në Maqedoni po vazhdojnë avazin e vjetër. Kësaj radhe viktimë e kërcënimit është gazetari i Tv Shenja, Muhamed Zeqiri, transmeton Telegrafi Maqedoni.
Sipas një postimi në Facebook, nga ana e Zeqirit, mësohet se kërcënuesi është vozitësi i deputetes së BDI-së, Suzana Saliu. Bëhet fjalë për Ejup Saliun, njëherit, sipas gazetarit, edhe familjar i deputetes.
Por nga ana tjetër, Zeqiri poashtu në profilin e tij, pak minuta më vonë ka postuar se deputetja Suzana Saliu, i ka kërkuar falje gazetarit në emër të vozitësit të saj.
