Këshilla të përgjithshme rreth ushqimit

Ka disa lloj ushqimesh që duhet të hahen të shoqëruara me të tjera, sepse kështu bëhen më të dobishme për organizmin tonë.

Studimet e bëra, kanë treguar se nëse i ha karrotat e grira në formë sallate, pa i hedhur vaj ulliri, mund të pakësosh sasinë e kalorive që merr, por humb marrjen e betakarotinës që është mjaft e vlefshme për trupin. Vitamina A, ashtu sikurse dhe vitaminat D, E, K, absorbohen nga organizmi vetëm në prani të yndyrnave.

Por ka edhe ushqime, që këshillohet të mos bashkohen gjatë ngrënies.

-Kështu psh. djathi, që është i pasur me kalcium, kur hahet se bashku me mishin, pengon absorbimin e hekurit nga zorrët.
-Lakra e bardhë kur hahet me peshk, pengon absorbimin e jodit, që përmban peshku.
-Po ashtu, tanina që përmban çaji, pengon absorbimin e kalciumit që ndodhet në djathë, etj.
– Për ushqim të mirë produktet duhet të jenë të freskëta.
– Në ushqimin e përditshëm duhet përdorur sa më tepër majdanozi i freskët. Në gjellë ai hidhet para se të largohet nga zjarri, por shpeshherë para servimit majdanozi hidhet mbi gjellë i grirë imët.
– Sqinaqi preferohet të përgatitet i freskët, ose të pastrohet dhe të futet në friz. Në qeskë najlloni vyshket dhe prishet shpejt.
– Spinaqi nuk do të humbë ngjyrën e gjelbër, nëse gjatë zierjes i shtohet pak sodë buke.
– Nëse qepët e grira, para se të fërgohen, zihen pak në ujë të valë, ato do të kenë shije më të mirë.
– Filetat e mishit duhet prerë në drejtim të kundërt të fijeve.
– Mishi dhe peshku nuk duhet larë shumë kohë para gatimit, në mënyrë që mos t’i humbin proteinat dhe të bie vlera ushqimore e tyre.
– Të gjithë përbërësit për përgatitjen e brumit me tharm (mielli, sheqeri, qumështi, vezët, etj.) është mirë të kenë të njëjtën temperaturë, temperaturën e mjedisit, që do të thotë, të largohen më herët nga frigoriferi.
– Të gjithë brumërat preferohen të zihen në ujë të bollshëm. Për të zier 1 kg. makarona, nevojiten 4-5 litra ujë, në të kundërtën ato kundërmojnë në brum.
– Perimet qërohen jo shumë kohë para gatimit dhe zihen me kapak të mbyllur. Pas zierjes ato kullohen, sepse nëse qëndrojnë në ujë, u keqësohet gjendja.
– Perimet për supë, shtohen 20-30 minuta para përfundimit të zierjes së mishit edhe atë në zjarr të mesëm.
– Karrotat përpos që janë të shëndosha për t’u ngrënë, ato përmirësojnë shijen e gjellës.
– Lakra turshi nuk duhet të lahet me ujë të nxehtë, sepse përveç kripës e thartirës, i largohen vlerat ushqimore dhe shija.
– Nëse gjiza është e thartë, ajo ulet në qumësht në raport 1:1, lihet një orë, pastaj kullohet.
– Patateve u hidhet ujë i ftohtë dhe sa të marrin valë, ziejnë në zjarr me temperaturë të ulët, në mënyrë që të zihen edhe në brendësi njëlloj.
– Për të zier 1 kg. groshë, duhen 3 litra ujë.

/pertymoter/kohaislame

Artikulli paraprakByrek me domate dhe salmon
Artikulli vijuesAdhurimi, shkalla e fundit e dashurisë