Shumë njerëz bien viktimë e kriminelëve të cilët i skanojnë kartelat e tyre të kreditit për të nxjerrë info duke përdorur pajisje speciale (të rrejshme) për të vjedhë para.
Sot, edhe kur e përdorni kartelën në dyqane ose restorante, mund të bini në këtë grackë.
Ingenico, një prodhues i pajisjeve për skanimin e kartelave të kreditit, kohët e fundit ka publikuar disa këshilla se si të identifikoni një pajisje të rrejshme, transmeton Express.
Për të gjithë ata që përdorin kartelën e kreditit për të bërë pagesa, ky informacion do të jetë shumë i dobishëm.
Pajisjet e rrejshme nganjëherë kanë probleme me shiritin e tyre magnetik kur skanojnë të dhëna. Kjo rezulton në më shumë gabime të operimit dhe në mënyrë të konsiderueshme ngadalëson punën normale të pajisjes. Kështu që kushtoni vëmendje nëse pajisja funksionon më ngadalë se sa që duhet.
