Shumë portale që e mbajnë veten për laike duke mos postuar shumë lajme që vijnë nga sferat e besimit, e konkretisht nga myslimanët, kohëve të fundit në numër të madh i kanë lajmet që fokus është Islami dhe myslimanët.
Është e çuditshme, se si ato portale apo media, që deri dje na torturuan me pamje të të pasmeve të shumë femrave e modeleve, sot na ofrojnë pamje dhe veprime të myslimanëve të mirë!
Media në parim është për të shërbyer publikut, duke e informuar drejt. E kur kjo nuk bëhet, atëherë media shndërrohet në diçka që sjell përfitime dhe shihet si një biznes, e për të mbijetuar bëjmë çfarë do na vie në këmbë.
Të ishin parimor, të informonin drejt si për mirë e si për keq, nuk do të kishim dhënien e hapësirës së njerëzve që në parim nuk kanë asnjë vlerë dhe janë të pa shëndosha për popullin tonë. E më e rënda janë degjeneruese, pa kurrë fare etike.
E kuptoj se rënia e klikimeve që sjell “zona rozë” është e rëndë, mirëpo më e rënda është kur për pazare klikimesh e fitimesh të prekin ndjenjat fetare të ndonjë vendi e populli.
Ky shkrim i yni nuk ka problem me lajmet që ju i bëni për myslimanët dhe Islamin e me asnjë fe tjetër, por qëllimi është të jeni parimor. Kujdes kur edukoni lexues e përcjellës, mos i rritni me ShowBiz e gënjeshtra, ngase ato herët apo vonë do të iu dekonspirojnë juve. Dhe po ashtu të keni kujdes me prekjen e sferave fetare, se ato janë ndjenja të fuqishme. /KOHAISLAME
