Marrëveshja: Izraeli i paguan Turqisë 20 mln dëmshpërblim për paqen

Në kuadër të marrëveshjes që pritet të nënshkruhet nesër midis Turqisë dhe Izraelit, ky i fundit do të paguajë rreth 20 milionë dollarë në formë dëmshpërblimi për familjet e 10 shtetasve turq të vrarë gjatë sulmit kundër anijes ‘Mavi Marmara’ në vitin 2010.
Ky njoftim erdhi nga Kryeministri turk, Binali Yildirim, pas konfirmimit zyrtar të Kryeministrit izraelian nga Roma mëngjesin e sotëm.
“Të dy shtetet do të shkëmbejnë gjithashtu brenda një periudhe afatshkurtër ambasadorët përkatës”,- njoftoi kryeministri turk sot për shtypin në Ankara, duke përshëndetur normalizimin e marrëdhënieve dypalëshe pas një klime të tensionuar gjashtë mujore.