Menaxhimi krijon zhvillim social dhe ekonomik. Zhvillimi ekonomi dhe social vijnë si rezultat i menaxhimit të mirë.
Mund të thuhet se nuk ka vende të zhvilluara keq. Ka vetëm vende të menaxhuara keq. 140 vjet më parë Japonia ka qenë një vend tërësisht i pazhvilluar në të gjithë matësit ekonomik. Por shumë shpejt arriti të krijojë një menaxhim shumë të mirë, në fakt, të jashtëzakonshëm.
Kjo do të thotë që menaxhimi është elementi kryesor dhe zhvillimi është pasojë e tij. E gjithë përvoja jonë e zhvillimeve ekonomike e vërteton këtë. Në një vend ku ka vetëm kapital, nuk është arritur ende zhvillimi. Në rastet e pakta kur kemi qenë të aftë të gjenerojmë energji menaxhuese, kemi gjeneruar edhe zhvillim të shpejtë. Zhvillimi, me fjalë të tjera, është më tepër një çështje energjish njerëzore sesa e një bollëku ekonomik. Gjenerimi dhe drejtimi i këtyre energjive njerëzore është detyra më e rëndësishme e menaxhimit.
