Nga korriku fillon mbledhja e fondit për sigurime shëndetësore

Ministri i Shëndetësisë, Imet Rrahmani, ka thënë se nga muaji korrik pritet që të fillojë mbledhja e premiumeve për sigurime shëndetësore.

Sipas tij, shërbimi i sigurimeve shëndetësore do të fillojë së zbatuari pasi të mblidhen pagesat e sigurimeve.

“Në Këshillin Ekonomik Social kemi pasur një prezantim. Të gjitha punët janë kryer rreth përgatitjes së fillimit të mbledhjes së premiumeve dhe funksionalizimit të sigurimeve shëndetësore”, ka thënë ai.

“Unë me përgjegjësi të madhe them që muaji maj dhe qershor janë muajt përmbyllës të Ministrisë së Shëndetësisë në lidhje me mbledhjen e premiumeve”, ka shtuar ai në një intervistë për Zërin.

Pagesa e premiumeve nënkupton pagesat mujore, tremujore ose vjetore për sigurim shëndetësor që paguhet në Fondin e Sigurimeve Shëndetësore./

Artikulli paraprakMogherini: Kemi nevojë ta ruajmë dhe reformojmë BE-në
Artikulli vijuesIsa Mustafa zotohet se do ta anëtarësojë Kosovën në NATO dhe BE