Poeti gjerman Gunter Grass, i cili ka fituar çmimin Nobel për letërsi, ka sulmuar ashpër Izraelin të cilin e ka quajtur një fuqi bërthamore dhe pushtuese.
Grass u shpreh për një radio gjermane se vendimet e OKB-së nuk zbatohen kur bëhet fjalë për Izraelin, i cili është një shtet pushtues. Ai ka vjedhur dhe zaptuar territoret dhe tokat e të tjerëve, duke i dëbuar vendasit. Në historinë e Izraelit ka momente raciste – u shpreh ai.
Gunter Grass është shpallur person non grata në Izrael, për shkak të një poezie në të cilën ai e konsideron Izraelin si një rrezik për paqen botërore. 84 vjeçari Grass, shkaktoi zemëratë në Izrael për shkak të një poezie të titulluar “Ajo që duhet thënë” ku flet për arsenalin bërthamor të Izraelit. /A.online/kohaislame
