Partia “UNITETI” reagon ashpër ndaj paaftësisë së Qeverisë aktuale për të siguruar ajër të pastër për qytetarët. Kjo paaftësi e udhëheqësve të institucioneve, e mbështjellur me afera korruptive dhe interese të ndryshme po i helmon dhe po i vret qytetarët e saj.
“UNITETI” përkrah fuqishëm çdo klithmë njerëzore për jetë, për ajër. Çdo ngritje e zërit, protestë, për kushte elementare për jetë meriton përkrahje të fuqishme.
Të gjithë që janë përgjegjës që Pollogu arriti në kulmin e ndotjes në botë duhet të mbajnë përgjegjësi morale dhe penale. Ata duhet ta kuptojnë se askush nuk ka të drejtë të eksperimentojë dhe të përfitojë në llogari të shëndetit dhe të jetëve tona dhe të fëmijëve tanë!
