Peshkopi anglez: “Kurani të bëhet pjesë e kurorëzimit britanik”

Deklarata e një peshkopi liberal të Kishës Anglikane ku propozohej që gjatë kurorëzimit të Princit Çarls të citoheshin edhe pjesë nga Kurani, ka shkaktuar debat në Angli.

Lordi Herries, i njohur për qendrimet e tij liberale deklaroi të enjten se në kurorëzimin e Princit Çarls, përveç citimit të Biblës të shtohej edhe citimi i Kuranit. Kjo sipas tij do të bënte që besimtarët myslimanë të mbretërisë të ndjeheshin të përfaqësuar, njofton top-channel.

Por kritikët sulmuan idenë dhe akuzuan Kishën Anglikane se është shkëputur jo vetëm nga vlerat dhe tradita e saj, por edhe se është larguar nga vlerat e krishtërimit.

Deklarata e peshkopit mbërrin 20 vite pas asaj të bërë nga vetë Princi Çarls. Në vitin 1994 ai deklaronte se do të pëlqente më shumë të ishte “mbrojtës i besimeve” se sa “mbrojtës i besimit”, duke vendosur në një peshë të barabartë të gjitha besimet e përmbledhura në kurorë.

Vite më vonë, në 2006 ai ripërsëriti qendrimin e tij kur deklaroi se do të pëlqente një kurorëzim multifetar dhe jo të përqendruar në një fe të vetme.

Formula ceremoniale e kurorëzimit të monarkëve britanikë qendron në fuqi prej dekadash dhe ajo i mëshon idesë së mbrojtjes dhe pavarësisë së Kishës Anglikane.

Artikulli paraprakVIDEO – Do fjalë për namazin
Artikulli vijues“Kur’ani për të gjithë ” mesazh në stacionet e autobusëve