Protesta në Serbi, Vuçiq akuzohet për vjedhje të zgjedhjeve

Kryeministri serb, që pritet ta vazhdojë këtë detyrë, Aleksandër Vuçiq do të përballet me protesta, të cilat e kontestojnë fitoren bindëse të tij në zgjedhjet e 24 prillit.
Qytetarë serbë i janë përgjigjur protestës së thirrur nga partitë opozitare. Ata mbajnë në duar pankarta me mbishkrime “Vuçiq, hajn, i vodhe zgjedhjet”, “Shpëtim për zërin tim” dhe barazimin mes Komisionit Zgjedhor Republikan dhe vdekjen, transmeton Koha.net.
Vuçiq ka fituar bindshëm zgjedhjet në Serbi dhe kjo është pritur mirë nga akterët ndërkombëtarë, pasi e kanë konsideruar si fitore e pro-evropianëve.